ბავშვობა

ყველაზე კარგი დრო ცხოვრების განმავლობაში, არის ბავშვობა. თუმცა ძალიან ბევრი ამ უბედნიერეს წუთებს ფუჭად გარგავს, რაც მე საოცრად მაღონებს. ბავშვობაში მე მქონდა ჩემი პატარა სამყარო სადაც ვცხოვრობდით მე და ჩემი სათამაშოები. ყოველ დღე საათობით ვიჯექი და ველაპარაკებოდი და მჯეროდა, რომ ოდესმე ისინიც გამცემდნენ ხმას. ვიცოდი, ისინი ყველაფერს გრძნობენ. ერთი განსაკუთრებით მიყვარდა, მაგრამ სხვებს არ ვეუბნებოდი ეწყინებათ-მეთქი. ეს არის პატარა, ნაცრისფერი, შიგნით ბურთულებიანი  მანგუსტი სახელად ბანი, რომელიც სიცოცხლის მე-12 წელს ითვლის! დღემდე ყველაზე ძალიან მიყვარს.
ბავშვობაში ყველა ბედნიერია, არავინ არ კვდება და არ ხდება ცუდად. ყოველდღე არ გიწევს იფიქრო ათას პრობლემაზე, თუ იმას არ ჩავთვლით, როგორ დავაღწიოთ თავი უგემური კომბოსტოს ჭამას. ადრე ჩემთვის სასწაულს წარმოადგენდა ყველაფერი, ჩიტების აფრენა, ეზოს უპატრონო კატის კნავილი, გაზაფხულზე ყვავილების გაშლა, მზის ამოსვლა, თოვლის მოსვლა კი, საუკეთესო მომენტი იყო!
ბავშვობაში სიხარულს მანიჭებდა ზედმეტი შოკოლადის მოცემა(ეს დღესაც მიხარია), ეზოში კიდე 5 წუთით დარჩენა, წრეშიბურთში არჩევნობა, დაჭერობანაში მგლობა და ახალი ბარბის ჩუქება ხო საერთოდ დღესასწაული იყო.

მჯეროდა თოვლის ბაბუის(და სანტა კლაუსი რა ცხოველი იყო არ ვიცოდი!), ბუის, ფერიები, გუდიანი კაცის და საერთოდ ყველაფრის! სხვათა შორის არასდროს მიოცნებია ქორწილზე ან ცხენიან პრინცზე! 🙂

“პატარაობაში” დაბადების დღეები 3საათზე იწყებოდა და 5-ზე მთავრდებოდა. თუ ცენტრში იხდიდი მაგარი იყავი! და ამ ცენტრში თუ საჩუქრებსაც იძლეოდნენ ხო ვაააფშე ყველას ჯობდი! ახლაც მახსოვს იმ ცენტრების სახელები, ბემბი, ალადინი, პეპი, ბაო-ბაბი და ა.შ. საჩუქრად უმეტესად მიგვქონდა ჩარჩო, ჭიქა, სანთელი, თუ გოგო იყო ბლოკნოტი, საათი(გოგოს ბარბიანი ბიჭს- spider-man-იანი) და განსაკუთრებულ შემთხვევაში ვაზა! 😀 ამიტომაა ჩემს სახლში ჩარჩოების განუზომელი რაოდენობა!

ისე ახლა გამახსენდა

კომპიუტერთან მარტო იმისთვის ვჯდებოდი, რომ ხატვაში შევსულიყავი და მაქსიმუმ gold miner-ი მეთამაშა!

ტელეფონი კი 11 წლისას მქონდა, motorola L6.ძალიან მიყვარდა “ბლოსტკებიანი” შარვლები და ვარდისფერი კოლგოტები.

ეჰ, რა კარგი იყო ბავშვობა.. დღეს კი 10 წლის ბავშვებს iphone-ები უჭირავთ, მოტკეცილი ჯინსები აცვიათ, აქვთ facebook-ი და 11 წლის ასაკში უკვე 4 შეყვარებული ყავდათ!  ისეთი რაღაცეები იციან რაც მე გაგონილიც არ მქონდა მაგათ ასაკში. ისე არ დამავიწყდე ერთმა ჩემმა დაქალმა 11 წლის ასაკში მითხრა:-ამხელა გოგო ხარ და არავინ უნდა გიყვარდესო? და მწარედ გააკრიტიკა ბრჭყვიალებიანი ჯინსი!

P.S.ეს ყველაფერი ძალიან მენატრება და მოვუწოდებ ყველა ბავშვს შეირგეთ ეს დრო! ვერ ხედავთ 15 წლის ვარ და უკვე მივტირი მაგ ყველაფერს! :((

Advertisements

მე დავიბენი

სულ რაღაც 5 წუთის წინ განვაახლე facebook-ის სტატუსი და დავწერე: Is love tasty? მართლაც, არის გემრიელი?? ოღონდ საჭმელად გეკითხებით! გიკვირთ ხომ??  ერთ ჩემს მეგობარსაც გაუკვირდა და ჩემში ეჭვი შეეპარა! და გამიკვირდა ეს რატომ მოხდა.. მითხრა, რომ ეს მე არ მგავს.. მართლა? იქნებ მე სხვანაირი ვარ? მეც ხომ ერთი ჩვეულებრივი გოგო ვარ? ჩემი სისუსტე შოკოლადია, ცოტათი მიყვარს რომანტიული ჟანრის წიგნები და იშვიათად ფილმები, რადგან მათ თითქმის არ ვუყურებ, მაგრამ როცა ვუყურებ ცხარე ცრემლით ვტირი. ზოგს გონია, რომ მე არ შემიძლია სიყვარული, რადგან არ მჯერა მისი. იცით როგორ არის ჩემი საქმე? მე არ მჯერა, რომ უახლოეს მომავალში მოვა თქვენი სათაყვანებელი სიყვარული და არც მისი მარადიულობის მჯერა განსაკუთრებით. ეს იმას ნიშნავს, რომ მე სიყვარულს არ ვიმსახურებ?

არაფერი

1.

-რატომ ხარ ასეთი უიმედო?-წამოიძახა ბიჭმა.
-უიმედო არ ვარ…-ფიქრებიდან გამორკვევა სცადა გოგომ.
-მართალია, უიმედოც აღარ გქვია! უსიცოცხლო ხარ!
-ოჰ, შეურაცყოფა? საინტერესოა..
-ეგ რა შუაშია? შენს გამოფხიზლებას ვცდილობ..
-ცუდად ცდილობ..
-ღმერთო, შენ მაინც მიშველე..-თქვა ბიჭმა.

2.

-რისი იმედი უნდა მქონდეს?-იკითხა გოგომ.
-რაა?-ჩაეკითხა ბიჭი.
-მგონი გაიგე რაც გითხარი.
-რა მნიშვნელობა აქვს.. რამის მაინც!
-პასუხიც კი არ გაქვს.-გულდაწყვეტილმა ჩაილაპარაკა გოგომ.
-სიყვარულის!!!-გაბრაზდა ბიჭი. გოგომ გაიცინა.
-რა გაცინებს?
-სიყვარულის?-ირონიულად იკითხა გოგომ.
-ხო სიყვარულის!
-რომელ სიყვარულზე მელაპარაკები, შუასაუკენეების დროს შეთხზულ ვნების ზრდილობიან სახელზე? კარგი რაა..
-მე შენ მიყვარხარ.-გაუბედავად თქვა ბიჭმა.
-მერე რა?
-არაფერი.

3.

ნუ იკლავ თავს!-თქვა ბიჭმა, როცა გოგომ სიგარეტი ამოიღო.
-ჩემი სიცოცხლის ხანგრძლივობა შენ არ გეხება, თანაც ჯანდაცვის სამინისტრომ დაგასწრო და კოლოფზე დამიწერა კეთილისმსურველი ფრაზა “მოწევა კლავს”.
-რატომ არ მეხება?!
-თუ მითხარი რომ გიყვარვარ, ეს იმას არ ნიშნავს, რომ მუდამ ერთად ვიქნებით და ბედნიერი დასასრული გვექნება.. ზღაპრის ბოლოს ჭირი მგონი ჩემთან მოდის..
-მე მაგის გამო არ მითქვამს ეგ..
-აბა რატომ თქვი?
-არ ვიცი.. თუ გინდა უკან წავიღებ ნათქვამს..
-სიტყვებს ვერ დააბრუნებ.- თქვა და სიგარეტს მოუკიდა.

4.

-შაქარი მომაწოდე რაა.- უთხრა გოგოს დაქალმა.
-აიღე..- შაქრის მაგივრად კი რატომღაც მარილი გაუწოდა..
-ისაა.. გასაგებია, რომ შაქარი არ გიყვარს, მაგრამ მე რას მერჩი?
-მაპატიე..
-რა გჭირს?
-რაღაც უნდა გითხრა.
-აბა?
-ვუყვარვარ..
-კიი აბაა!
-გეყო ცინიზმი..
-კარგი ხო..-მოკლე პაუზის შემდეგ კითხა-შენ?
-არ ვიცი.

5.

-წვიმა იწყებს.
-მერე რა?
-არ გაცივდე..
-შენ მაგაზე არ იდარდო..
უცებ წვიმამ დაუშვა. გოგომ უცნაურად გაიღიმა და ხელები გაშალა. წვიმამ უზომოდ გაახარა. ბიჭი გაოცებული იყო, დიდი ხნის განმავლობაში ასეთი ბედნიერი არ უნახავს. გოგომ ბიჭს გახედა და მასაც გაუღიმა.

6.

-იქნებ მეც მიყვარს? უცბათ ჰკითხა გოგომ დაქალს. დაქალმა გაოცებულმა შეხედა.
-შენ? გიყვარს? ვერ დავიჯრებ!
-რატომ? ეწყინა გოგოს.
-იმიტომ რომ შენ ხარ!
-მე შევიცვალე.
-შენი საქმისა შენ იცი..
-კარგი რჩევაა..

7.

-რაღაც უნდა გკითხო.-სიჩუმე დაარღვია ბიჭმა.
-რა?
-გიყვარვარ?
-წვიმს..
-არა უშავს, მიპასუხე.
-გაცივდები.
-გავცივდე! მიპასუხე!
-არ მინდა, რომ გაცივდე..
-რაში გაღელვებს?
-იქნებ მაღელვებს!?
-თემას ნუ გადაუხვიე! მიპასუხე გიყვარვარ?
-და თუ მიყვარხარ?
-კარგია.. ანუ გიყვარვარ!
-რა იდიოტი ხარ!
-რატომ?
-გიხარია რომ შენსას მიაღწიე?
-თავი რომ შეგაყვარე?
-ხო!-წამოსცდა გოგოს.
-აი თქვი!
-არა!
-კარგი ხო..
-რა ხო?
-არაფერი..

 

 

ყოფნა ანდა ჯანდაბას არ ყოფნა

შექსპირის ნათქვამისა არ იყოს “ყოფნა არ ყოფნა საკითხავი აი ეს არისო..”. ეს ფრაზა მრავლად გაშარჟებულა, გადაკეთებულა და “ენაკვიმატი” ხალხის ხელში ბევრჯერ უცვლია სახე, მაგრამ ორიგინალს ხომ ვერ შევცვლით? ხოდა ცხოვრების მთავარი კითხვაც ეგ ყოფილა. აბა წარმოიდგინეთ თქვენ ამხელა დედამიწაზე, რომ დადიხართ და სიცოცხლეს უაზროდ ხარჯავთ, არსებობთ?? მოიცა უფრო მეტად დაგაბნევთ, უსასრულო სამყარო ხოომ წარმოიდგინეთ? არა მოიცა საერთოდ უსასრულო წარმოიდინეთ!!!! კარგი რაც არის არის.. მოიცა ვიცი! ფილმი როა “men in black 2” სულ ბოლო მომენტი გახსოოვთ? აი ეგ წარმოიდგინეთ! ხოდა საერთოდ უმნიშვნელოები რომ ხართ მიხვდიით??

თქვენ კი ინტერნეტით ცდილობთ შექმნათ ახალი ადამიანი, რომელიც არ არსებობს და ამითი უფრო აქრობთ საკუთარ თავს! სიყვარულს ან თუნდაც კეთილგანწყობას გულებით და ე.წ. კოცნის სმაილებით გამოხატავთ და არა ნამდვილი გრძნობები.. თუმცა თქვენმეტყვით, რომ მხოლოდ ასე არ გამოხატავთ ყველაფერს! მართალია, თქვენ ცარიელ სიტყვებს და ფრაზებს ისვრით უმიზეზოდ და თან ისე, რომ ვერც კი ხვდებით მის შინაარს! იქნებ ამისთვის იბრძოდნენ ის ხალხი, რომელსაც ჩვენ ადამიანები საამაყო წინაპრებს ვუწოდებთ? ისინი მართლაც სისხლის ბოლო წვეთამდე და უკანასკნელ ამოსუნთქვამდე იცავდნენ ქვეყანას რათა მას ნათელი მომავალი ჰქონოდა.. ჩვენ კი ის მომავალი ვართ და რა ვუქენით ტანჯვით გადარჩენილ სამშობლოს? გავანადგურეთ და კიბერნეტიკული სენით დავაავადეთ! არაფრად აღარ ვაგდებთ ერთმანეთს, სხვებს და საერთოდ არსებობას და ერთადერთი რაც გვაღელვებს ჩვენი დებილგამომეტყველებიანი და დაფოტოშოპებული ფიზიონომიების სურათებზე დაწერილი ცარიელი სმაილებისა და ფსევდოაღფრთოვნებით დაწერილი კომენტარები.. ჩვენ ყველანი უბედურები ვართ და ამას მარკ ცუკერბერგის მიერ შექმნილი ადამიანის სენის (ახსნა: ვიგულისხმე facebook-ი) საშუალებით ყველა ჩვენს ე.წ. მეგობარს და უბრალოდ friend request-ზე  დაaccept-ებულ ხალხს ვუზიარებთ და თანაგრძნობას ვითხოვთ.ჩვენი სულიერება საერთოდ გაქრა და როგორც ჩემი ყოფილი ისტორიის მასწავლებელი იტყოდა “აღიგავა პირისაგან მიწისა”, ხოლო ცოცხალუნარიანობას მარჯვენა ხელში მოთავსებული “თაგვის” მოძრაობით და თვალების აქაიქ დახამხხამებით გამოვხატავთ. მოკლედ და კონკრეტულად რომ ვთქვათ არაფერი აღარ დარჩა ჩვენგან! ჩემი თხოვნაა ასწიეთ თქვენი დასაჯდომი ორგანო სკამიდან და გაერთრიეთ გარეთ! ნუ იწუწუნებთ ცივაო.. მერე რაა!! იმ საწყალ ხალხს არ სცივა, რომელიც ქუჩაში ცხოვრობს?? აჰ, მართალია ისინი რაში გენაღვლებიან? იქნებ არც იმათ ენაღვლებით? მათ საერთოდ არ აინტერესებთ დღეს სად იყავით და სტატუსად რომ წერთ “მშიააა”-ს.. რა სასაცილოა არა? იმათაც შიათ და ჩუმად არიან თქვენ კი ცარიელი მომნელებელი სიტემის შესახებ მთელს თქვენს სამყაროს აგებინებთ.. თუმცა ჩვენი უაზრო ყოფის მიზეზად მხოლოდ ინტერნეტს ვერ დავასახელებ. შეიძლება მე ვცდები, მაგრამ გოგონების უნამუსობა, უზნეობა, ცინიზმი, სიგოიმე, ჭკუასუსტობა და ბიჭების “ძველობა”, “ვაჟნობა”, ვითომ “ბაბნიკობა” და მრავალი სხვა თვისება ხომ ინტერნეტს არ მოუტანია? არა მან უბრალოდ განვითრებაში შეუწყო ხელი.. (საყვარელი, რა კეთილია!!) ხოდა ეს ყველაფერი ჩვენში არის! და ისე სხვათაშორის (ჩემი)სურვილისამებრ “აღმოფხვრულ უნდა იქნას”! როგორც ყოველთვის თემას გადავუხვიე.. კარგით ხო ვამთავრებ!
P.S. ასე და ამგვარად თქვენ არარაობები ხართ! მეც არარაობა ვარ, მაგრამ გაცნობიერებული..

P.P.S.პოსტის წერისას ვარ გაბრაზებული თანაც ძალიან და არ შეიმჩნიოთ! :))))))))))

ჩაი და ყავა

ყავა:-გამარჯობა, შენ ჩაი ხარ. მშვიდი, გაწონასწორებული, სერიოზული, ჭკვიანი, კეთილშობილი და ცოტაც დიდგვაროვანი. შენთან ურთიერთობა ყველას არ შეუძლია, არა ცუდი ხასიათის გამო. უბრალოდ ვერ გიგებენ. შენ ყოველთვის ეხმარები მათ, ვისაც ეს სჭირდება, გასნაკუთრებით ზამთარში. ხალხს ათბობ, ამიტომაც უყვარხარ ბევრს. ზოგს კი რატომღაც არ უგემური ჰგონიხარ. ესეც იმის გამო, რომ შენს ნამდვილ სახეს არ იცნობენ. შენი სამშობლო ინგლისია, თუმცა კოსმოპოლიტობაც გახასიათებს.სხვები ცდილობენ იყვნენ შენნაირები, მაგრამ შენ განუმეორებელი ხარ!

მე ყავა ვარ. თავქარიანი, სულელი, უაზრო, ემოციებს აყოლილი, ღამეებგათენებული და კოფეინით გაჟღენთილი. მე ბევრი არ მაფასებს.ხშირად სანამ საჭირო არ ვარ, არავის ვახსენდები. მე ხალხს ვეხმარები, ისევე როგორც შენ, მაგრამ როგორც კი მომეჩვევიან, მაშინვე თავის დანებებას ცდილობენ. აქ კი ჩემი მთავარი შარმი კოფეინი იწყებს მუშაობას. იცოდი, რომ მე მომავალს ვაჩვენებ? დიახაც, მე არ ვიტყუები! უბრალოდ ბევრს არ სჯერა და მატყუარა ვგონივარ.

ჩაი:- გაგიმარჯოს! შენ იცი , რომ მე ჩაი ვარ და გგონია, რომ ჩემს შესახებ ყველაფერი იცი, მაგრამ შენ ხომ ჩემი ნამდვილი სახე არ გინახავს! იმ ფაიფურის ჭიქისა და სითბოს უკან რა იმალება არ გაინტერესებს? მე გულჩვილი ვარ! ხშირად ვტირი და მნიშვნელობა არ აქვს მიზეზიანად ხდება ეს თუ უმიზეზოდ. ჩემთვის გულის ტკენა ადვილია, ნდობის დაბრუნება კი თითქმის შუეძლებელი. იქნებ ფიქრობ კიდეც, რომ უკარება ვარ? არა ჩემო კარგო! უბრალოდ მე მხოლოდ ერთეულებს ვაძლევ ჩემთან ურთიერთობის უფლებას.

შენ ყავა ხარ. მხიარული, მაგრამ ხშირად ჩაფიქრებული. ფეთქებადი და თან მშვიდი. ადამიანი, რომ იყო ჰოროსკოპით სასწორი იქნებოდი. ხშირად გამოირჩევი წინდაუხედავობით და ბოლოს ცდილობ ყველაფერი გამოასწორო. ხალხს მოსწონს შენთან ურთიერთობა, შენ კი  იმდენად გეშინია მათი დაკარგვის, რომ მთავარ იარაღს იყენებ!! დატკბი ცხოვრებით ძვირფასო!!

ამ დროს ოფიციანტმა დაგვიანებულ შეკვეთას მოაკითხა და ყავა და ჩაი სამუდამოდ დააშორა ერთმანეთს ისე, რომ ყავამ მადლობის გადახდაც ვერ მოასწრო..